თბილისი, 1 სექტემბერი — Sputnik. ფინანსთა სამინისტროს შემოსავლების სამსახურის მებაჟე-ოფიცრებმა საბაჟო-გამშვებ პუნქტ „წითელ ხიდზე" საქართველოს მოქალაქეს არადეკლარირებული ოქროს ნაკეთობები აღმოუჩინეს, ნათქვამია უწყების მიერ გავრცელებულ განცხადებაში.
ამოღებულია არადეკლარირებული 59,72 გრამი ოქროს ნაკეთობები.
საქონლის საერთო საბაჟო ღირებულებამ 7 576 ლარი შეადგინა.
საქართველოს საბაჟო კოდექსის 168-ე მუხლის პირველი ნაწილის შესაბამისად, კანონდამრღვევ მოქალაქეს ჩამოერთვა საქონელი და სანქციის სახით ანალოგიური თანხის – 7 576 ლარის ოდენობით ჯარიმა შეეფარდა.
