13:35 19 სექტემბერი 2020
პირდაპირი ეთერი
  • EUR3.8057
  • 100 RUB4.2817
  • USD3.2140
შემთხვევები
მოკლე ბმულის მიღება
შემთხვევები საქართველოში (1787)
1103 0 0

დაპირისპირება დაშავებულის ქათამმა გამოიწვია, რომელიც მისი ბიძაშვილის ბოსტანში გადაიპარა და მას პომიდორი შეუჭამა.

თბილისი, 26 აგვისტო – Sputnik. ოზურგეთში 73 წლის მამაკაცი მისმა ბიძაშვილმა სანადირო თოფით დაჭრა, იუწყება ტელეარხი „TV პირველი“.

დამნაშავეა ქათამი: რა მოხდა დუისელებსა და მატნელებს შორის>>

შემთხვევა ოზურგეთის მუნიციპალიტეტის სოფელ ლიხაურში გუშინ, საღამოს მოხდა.

ერასტი ლომჯარიას ჭრილობები სანადირო თოფით ორივე ფეხზე აქვს მიყენებული. ის კლინიკაში იმყოფება და მისი ჯანმრთელობის მდგომარეობა დამაკმაყოფილებელია.

დაჭრილი მამაკაცის მეუღლის მნფორმაციით, დაპირისპირების მიზეზი ერასტი ლომჯარიას ქათამი გახდა, რომელიც ბიძაშვილის ბოსტანში შეიპარა და მას პომიდორი შეუჭამა.

„ქათამი ორი დღის წინ გადავიდა, მერე კიდევ გადავიდა და ამის გამო გაბრაზდა. ისე უბრად იყვნენ ერთმანეთთან და მეტი არაფერი“, – განუცხადა ტელეკომპანიას დაზარალებულის მეუღლემ.

ფაქტზე გამოძიება სსკ-ის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.  

ტელეკომპანიის ცნობით, ბრალდებული დაკავებულია და დანაშაულს აღიარებს.

თემები:
შემთხვევები საქართველოში (1787)

მთავარი თემები