00:36 26 სექტემბერი 2020
პირდაპირი ეთერი
  • EUR3.8812
  • 100 RUB4.2875
  • USD3.3332
შემთხვევები
მოკლე ბმულის მიღება
უამინდობა საქართველოში (291)
254 0 0

ძლიერ ქარიშხალს, რომელმაც ხეები წააქცია და შენობებს სახურავები გადახადა, სეტყვაც დაემატა, რომელმაც ნათესები და ბოსტნები დააზიანა.

თბილისი, 27 ივლისი — Sputnik. კოკისპირულმა წვიმამ სეტყვასთან ერთად და ქარიშხალმა ლენტეხის რაიონის სოფლებში პრობლემები შექმნა, იუწყება „პირველი არხი“.

დაზარალდა ექვსი სოფელი. რაჭა-ლეჩხუმი–ქვემო სვანეთის რეგიონის გუბერნატორის არჩილ ჯაფარიძის განცხადებით, სტიქია რაიონს გამთენიისას დაატყდა თავს. დაზიანდა ადგილობრივების ნათესები და ბაღ-ბოსტნები.

ძლიერმა ქარიშხალმა წააქცია ხეები. ზოგიერთ ადგილზე კი წაქცეულმა ხეებმა შიდა გზები გადაკეტა.

ადგილზე დილიდან მუშაობენ სპეციალური ჯგუფები. რამდენიმე სოფელში უკვე გაწმინდეს გზები ხეებისგან. ჯაფარიძის თქმით, ამჟამად მოსახლეობისთვის მიყენებულ ზარალს ითვლიან.

თემები:
უამინდობა საქართველოში (291)

მთავარი თემები