00:28 26 სექტემბერი 2020
პირდაპირი ეთერი
  • EUR3.8812
  • 100 RUB4.2875
  • USD3.3332
შემთხვევები
მოკლე ბმულის მიღება
კრიმინალი საქართველოში (1123)
194 0 0

ტრაგიკულ ავტოავარიაში დამნაშავე პოლიციელი აღმოჩნდა, რომელიც ავტომობილს ნასვამი მართავდა. მას 10 წლამდე პატიმრობა ემუქრება.

თბილისი, 27 ივლისი — Sputnik. დუშეთის მუნიციპალიტეტის სოფელ არაგვისპირთან ავტოსაგზაო შემთხვევის შედეგად მოზარდი დაიღუპა. საქმეზე პოლიციელია დაკავებული, ნათქვამია საქართველოს პროკურატურის განცხადებაში.

ავარია გვიან საღამოს მოხდა. მსუბუქი ავტომობილი მოზარდს დაეჯახა. ბიჭი საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.

გამოძიებამ დაადგინა, რომ 26 ივლისს ქვეითად მოსიარულეს მცხეთა-მთიანეთის პოლიციის დეპარტამენტის დუშეთის რაიონული სამმართველოს უბნის ინსპექტორ-გამომძიებელი დაეჯახა, რომელიც ნასვამ მდგომარეობაში იმყოფებოდა.

სისხლის სამართლის საქმე აღძრულია ტრანსპორტის მოძრაობის ან ექსპლუატაციის უსაფრთხოების წესების დარღვევის მუხლით. დანაშაული ითვალისწინებს 6-დან 10 წლამდე პატიმრობას სამი წლით თანამდებობის დაკავების ან საქმიანობის უფლების ჩამორთმევით.

თემები:
კრიმინალი საქართველოში (1123)

მთავარი თემები