თბილისი, 27 თებერვალი — Sputnik. თბილისის მეტროში საშუალო ასაკის ქალი გარდაიცვალა, აცნობეს „Sputnik-საქართველოს" თბილისის სატრანსპორტო კომპანიაში.
შემთხვევა მეტროს სადგურ „ისანში" დღეს, დილით მოხდა. ქალმა ვაგონში შესვლისას თავი შეუძლოდ იგრძნო. მგზავრებმა ის ვაგონიდან გამოიყვანეს და სასწრაფო დახმარების ბრიგადა გამოიძახეს, მაგრამ, სამწუხაროდ, ის ექიმების მისვლამდე გარდაიცვალა.
გარდაცვალების მიზეზი, სავარაუდოდ, გულის შეტევა გახდა.
სატრანსპორტო კომპანიის წარმომადგენელმა აღნიშნა, რომ ინციდენტის გამო მეტროს მუშაობა არ შეფერხებულა.
