თბილისი, 26 თებერვალი — Sputnik. დაუდგენელმა პირებმა გურჯაანის საავადმყოფოს ცეცხლი გაუხსნეს, ტყვია ერთ-ერთი პალატის ფანჯარას მოხვდა.
როგორც „Sputnik საქართველოს" შინაგან საქმეთა სამინისტროში განუცხადეს, ინციდენტის შედეგად არც ერთი პაციენტი არ დაშავებულა, ფაქტზე კი სისხლის სამართლის საქმე აღიძრა.
გამოძიება მიმდინარეობს სსკ-ის 187-ე მუხლით, რაც სხვისი ნივთის დაზიანებას გულისხმობს.
დანაშაული ისჯება ჯარიმით, საზოგადოებისთვის სასარგებლო შრომით ან თავისუფლების აღკვეთით სამ წლამდე ვადით.