კახეთში ტყის ხანძარი პრაქტიკულად ჩამქრალია

© Sputnik / STRINGERტყის ხანძარი
ტყის ხანძარი - Sputnik საქართველო
გამოწერა
წინასწარი ინფორმაციით, ცეცხლმა დაახლოებით 8 ჰექტარი ფართობი მოიცვა. აალების ძირითადი კერები უკვე ლიკვიდირებულია.

თბილისი, 25 თებერვალი — Sputnik. თელავის მუნიციპალიტეტის სოფელ ფშავში ხანძრის ქრობა გრძელდება, განუცხადა „Sputnik-საქართველოს" თელავის მუნიციპალიტეტის საზოგადოებასთან ურთიერთობების სპეციალისტმა ნათია ნანაშვილმა.

მეხანძრეები - Sputnik საქართველო
თემქაზე ბუჩქნარს ცეცხლი გაუჩნდა

ხანძარი გუშინ, დღის მეორე ნახევარში გაჩნდა. ცეცხლი ჯერ გამხმარ ბალახს მოედო, შემდეგ კი ტყის მასივს გადაედო. ადგილზე დროულად მივიდა სახანძრო-სამაშველო რამდენიმე ბრიგადა.

„ახლა ადგილზე სალიკვიდაციო სამუშაოები მიმდინარეობს. შემიძლია ვთქვა, რომ ხანძარი ლოკალიზებულია. ტერიტორიაზე მთელი ღამე მეხანძრეები მორიგეობდნენ", – აღნიშნა ნანაშვილმა.

წინასწარი ინფორმაციით, ხანძარმა დაახლოებით 8 ჰექტარი ფართობი დააზიანა. მოსახლეობას საფრთხე არ შექმნია. ადგილზე რამდენიმე მეხანძრე რჩება.

ყველა ახალი ამბავი
0