თბილისი, 18 თებერვალი — Sputnik. ახალ ორლეანში (აშშ) შეიარაღებული ბებია კლინიკაში შეიჭრა, რათა შვილიშვილი „ეხსნა“, იუწყება Fox News-ი.
We need your help locating Adreana Miller, a 12-year-old girl abducted by her grandmother, Evelyn Miller. Call 504-364-5300 or Crimestoppers with info. Full release below— pic.twitter.com/hyOfGgrr5r
— JP Sheriff's Office (@JeffParishSO) February 15, 2020
ტელეარხის ინფორმაციით, 66 წლის ეველინ მილერი, რომელიც პისტოლეტით იყო შეიარაღებული, ადგილობრივი პედიატრიული საავადმყოფოს მიმღებში შევიდა და პისტოლეტის მუქარით მოითხოვა თავისი 12 წლის შვილიშვილის ანდრეანა მილერის გადაცემა. კლინიკის თანამშრომლები შეეცადნენ ხელი შეეშალათ ქალისთვის, მაგრამ მან პისტოლეტზე ანიშნა მათ და დაემუქრა, რომ შეიარაღებულ წინააღმდეგობას გაუწევდა.
საბოლოოდ ქალმა მაინც მოახერხა შვილიშვილის წაყვანა.
„შვილიშვილთან ერთად გაქცევისას ბებიამ ხელი ჰკრა ერთ მედდას და თავისი მანქანით დაეჯახა დაცვის ერთ-ერთ-თანამშრომელს“, — განაცხადა პოლიციის წარმომადგენელმა.
გავრცელებული ინფორმაციით, სამართალდამცველებმა გოგონა და ბებია 26-საათიანი ძებნის შემდეგ იპოვეს ოტელ Bogalusa-ში. პოლიციამ ეველინ მილერს ბავშვის გატაცება წაუყენა ბრალად.
