თბილისი, 7 თებერვალი — Sputnik. სამართალდამცველებმა განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის ბრალდებით ფოთში 38 წლის მამაკაცი დააკავეს, ნათქვამია შინაგან საქმეთა სამინისტროს განცხადებაში.
დაკავებულს პირადი ჩხრეკისას 26 შეკვრად დაფასოებული ნარკოტიკული საშუალება „მეტადონი" და 5 შეკვრა „კოკაინი" აღმოაჩნდა.
განსაკუთრებით დიდი და დიდი ოდენობით ნარკოტიკული საშუალების უკანონო შეძენა-შენახვის ფაქტზე გამოძიება საქართველოს სსკ-ის 260-ე მუხლის მესამე და მეექვსე ნაწილების "ა" ქვეპუნქტებით მიმდინარეობს. დანაშაული რვიდან 20 წლამდე ვადით თავისუფლების აღკვეთას ითვალისწინებს.