თბილისი, 27 იანვარი — Sputnik. ყვარლის გზაზე მომხდარი ავტოსაგზაო შემთხვევის შედეგად 24 წლის მამაკაცი და მისი სამი წლის შვილი დაიღუპნენ, ხოლო ერთი პირი მძიმედ დაშავდა, იუწყება საინფორმაციო სააგენტო „კახეთის ხმა".
შემთხვევა ველისციხე–ყვარლის დამაკავშირებელ გზაზე გუშინ, გვიან ღამით მოხდა.
ამ დროისათვის დაშავებული ახლაგაზრდა სხეულის მრავლობითი დაზიანებებით საავადმყოფოშია გადაყვანილი.
ავტომობილში მყოფი სამივე ადამიანი სოფელ ველისციხის მკვიდრია. ავარიის სავარაუდო მიზეზად გადაჭარბებულ სიჩქარეს ასახელებენ.
გავრცელებული ინფორმაციით, მძღოლმა საჭე ვერ დაიმორჩილა, მსუბუქი ავტომობილი გზის სავალი ნაწილიდან გადავიდა და ამოტრიალდა.
მომხდართან დაკავშირებით მიმდინარეობს გამოძიება.
