12:59 25 იანვარი 2020
პირდაპირი ეთერი
  • EUR3.1870
  • 100 RUB4.6730
  • USD2.8870
შემთხვევები
მოკლე ბმულის მიღება
84 0 0

ბრალდების მხარე აღკვეთის ღონისძიებად პატიმრობის გამოყენებას ითხოვდა, ხოლო ბრალდებულის ადვოკატი კი თვლიდა, რომ მის დაცვის ქვეშ მყოფს გირაო უნდა შეფარდებოდა.

თბილისი, 9 იანვარი — Sputnik. ვარკეთილში გარდაცვლილი 24 წლის მურად წურწუმიას საქმეზე დაკავებულ ვახტანგ ბურძენიძეს აღკვეთის ღონისძიებად პატიმრობა შეეფარდა, იუწყება საზოგადოებრივი მაუწყებლის პირველი არხი.

2 იანვარს, ვარკეთილში, დამპალოს სასაფლაოზე წურწუმია და მისი ძმა მ. ჩ. შეეცადნენ ავტომობილის გატაცებას, რომელიც შსს-ს განსაკუთრებულ დავალებათა დეპარტამენტის თანამშრომელ ზურაბ ფოფხაძეს ეკუთვნოდა. ჩხუბის დროს ფოფხაძემ და მასთან ერთად მყოფმა ვახტანგ ბურძენაძემ წურწუმიას მძიმე დაზიანებები მიაყენეს, რის შედეგადაც ახალგაზრდა მამაკაცი გარდაიცვალა.

გამოძიება ვახტანგ ბურძენიძეს ედავება ჯგუფურად ჯანმრთელობის დაზიანებას, რამაც სიცოცხლის მოსპობა გამოიწვია, ასევე ჯგუფურად ცემას.

მოსამართლემ ამ გადაწყვეტილებით დააკმაყოფილა ბრალდების მხარის შუამდგომლობა აღკვეთის ღონისძიებად პატიმრობის გამოყენების თაობაზე. ბრალდების მხარის აზრით, მიუხედავად იმისა, რომ ვახტანგ ბურძენიძე რამდენჯერმეა გამოკითხული, არსებობს მიმალვის და მოწმეებზე ზემოქმედების საფრთხე.

ბრალდებულის ადვოკატმა კი სასამართლო პროცესზე  გირაო  მოითხოვა. ადვოკატის განცხადებით, ის დაპირისპირებულების გაშველებას ცდილობდა.

ადვოკატის განცხადებით, მისი დაცვის ქვეშ მყოფი არ აღიარებს ბრალდების იმ ნაწილს, რომელიც გარდაცვლილი მურად წურწუმიას ჯანმრთელობის დაზიანებას ეხება, რამაც სიცოცხლის მოსპობა გამოიწვია. რაც შეეხება მ. ჩ.-სთან დაკავშირებულ ეპიზოდს, რომელიც ირწმუნება, რომ სპეცრაზმელმა ის სცემა, ადვოკატის თქმით, ვახტანგ ბურძენიძე ამ ნაწილში ჩხუბში მონაწილეობდა, მაგრამ, მისივე განმარტებით, ეს ორმხრივი იყო.

საქმეზე ასევე დაკავებულია შსს-ს განსაკუთრებულ დავალებათა დეპარტამენტის თანამშრომელი ზურაბ ფოფხაძეც. სასამართლოს გადაწყვეტილებით, ის თანამდებობას ჩამოაშორეს და პატიმრობაში მოათავსეს.

თბილისის პროკურატურის საგამოძიებო ნაწილის წარმოებაში არსებულ სისხლის სამართლის საქმეზე, გამოძიება მიმდინარეობს სსკ-ის 117-ე მუხლის მეექვსე და სსკ-ის 126 -ე მუხლის პირველი ნაწილით („ჯგუფურად ჩადენილი  ჯანმრთელობის განზრახ მძიმე დაზიანება, რამაც სიცოცხლის მოსპობა გამოიწვია“ და „ჯგუფურად ჩადენილი ცემა ან სხვაგვარი ძალადობა“), რაც 8-დან 11 წლამდე პატიმრობას ითვალისწინებს.

მთავარი თემები