თბილისი, 8 იანვარი — Sputnik. რუსთავში მხუთავი აირით დედა და მისი სამი წლის შვილი მოიწამლნენ, იუწყება ტელეკომპანია Rustavi 2.
შემთხვევა მესხიშვილის ქუჩაზე მოხდა. ადგილზე მობილიზებული იყვნენ საპატრულო პოლიციისა და სასწრაფო სამედიცინო დახმარების ბრიგადები.
დედა-შვილი ქალაქის საავადმყოფოში გადაიყვანეს. ექიმების განცხადებით, პაციენტების მდგომარეობა სტაბილურია, მათ სიცოცხლეს საფრთხე არ ემუქრება
გაზგამანაწილებელი კომპანიები მოქალაქეებს სიფრთხილისკენ მოუწოდებენ და ახსენებენ, რომ კუსტარულად და თვითნებურად დამონტაჟებული ხელსაწყოები, განსაკუთრებით, ღია წვის კამერიანი, საშიშია სიცოცხლისთვის.