თბილისი, 8 იანვარი — Sputnik. წყალტუბოში, რუსთაველის ქუჩაზე მდებარე ყოფილ სანატორიუმ "მეგობრობაში" გაჩენილ ხანძარს ორი ადამიანის სიცოცხლე ემსხვერპლა, იუწყება ტელეკომპანია Rustavi 2.
გავრცელებული ინფორმაციით, შენობაში ამჟამად დევნილები ცხოვრობენ.
შემთხვევის ადგილზე მისულ მეხანძრე-მაშველებს 65 წლამდე ასაკის ქალები გარდაცვლილი დახვდათ.
ამ დროისთვის ხანძარი ლოკალიზებულია. ადგილზე სამაშველო სამსახურის ოთხი ჯგუფი მუშაობდა.
ჯერჯერობით უცნობია, თუ რა გახდა ხანძრის გამომწვევი მიზეზი.
მომხდარ ფაქტზე გამოძიება 188-ე მუხლით მიმდინარეობს.