თბილისი, 6 იანვარი – Sputnik. მესტიაში გამთენიისას საცხოვრებელი სახლი დაიწვა, იუწყება საზოგადოებრივი მაუწყებლის პირველი არხი.
ადგილობრივების თქმით, სახლი შიგნიდან ხის მასალით იყო მოპირკეთებული, რის გამოც ცეცხლი სწრაფად მოედო და შენობის გადარჩენა შეუძლებელი გახდა.
თვითმხილველთა თქმით, ხანძარი იმდენად ძლიერი იყო, რომ ცეცხლი მეზობლის საცხოვრებელ სახლზეც გავრცელდა, თუმცა მეხანძრეებმა ცეცხლის ლოკალიზება და მეზობლის სახლის გადარჩენა შეძლეს.
ადგილზე მესტიის სახანძრო-სამაშველო სამსახურისა და მესტიის აეროპორტის სახანძრო-სამაშველო სამსახურის წარმომადგენლები მუშაობდნენ.
შემთხვევას მსხვერპლი არ მოჰყოლია.
დაზარალებულს მესტიის მუნიციპალიტეტის მერია მერიის სოციალური პროგრამის ფარგლებში დაეხმარება.
