თბილისი, 24 დეკემბერი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა საბაჟო საზღვარზე განსაკუთრებით დიდი ოდენობით საქონლის გადაადგილებასთან დაკავშირებული წესის დარღვევის ორი ფაქტი გამოავლინეს, ნათქვამია უწყების მიერ გავრცელებულ განცხადებაში.
გამოძიების ცნობით, დანაშაულში მხილებულმა პირებმა საბაჟო-გამშვები პუნქტი "სარფის" გავლით საქართველოში მალულად შემოიტანეს არადეკლარირებული ძვირფასი ლითონის ნაკეთობები.
ჯამში ამოღებულია 517 გრამი ძვირფასეულობა, საქონლის საბაჟო ღირებულება 41 ათას ლარს აღემატება.
გამოძიება დაწყებულია სსკ-ის 214-ე მუხლის პირველი და მეორე ნაწილებით, რაც სასჯელის სახით ითვალისწინებს ხუთიდან შვიდ წლამდე ვადით თავისუფლების აღკვეთას.
