18:16 28 იანვარი 2020
პირდაპირი ეთერი
  • EUR3.1914
  • 100 RUB4.6313
  • USD2.8944
შემთხვევები
მოკლე ბმულის მიღება
კრიმინალი საქართველოში (720)
9101

ბრალის დამტკიცების შემთხვევაში დაკავებულებს სასჯელის სახით ოთხიდან შვიდ წლამდე ვადით თავისუფლების აღკვეთა ემუქრებათ.

თბილისი, 12 დეკემბერი — Sputnik. თბილისში, ცინცაძის ქუჩაზე განხორციელებული სპეცოპერაციის შედეგად სამართალდამცველებმა ორი პირი დააკავეს, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.

ცინცაძის ქუჩაზე სპეცოპერაცია გუშინ, საღამოს ჩატარდა. უწყების ცნობით, 45 წლის და 53 წლის მამაკაცები ჯგუფურად ჩადენილი გამოძალვის ბრალდებით დააკავეს.

გამოძიების ვერსიის თანახმად, ბრალდებულები თურქეთის რესპუბლიკის ორ მოქალაქეს გაეცნენ როგორც პოლიციის თანამშრომლები.

„მოატყუეს, თითქოს ერთ-ერთი მათგანი ინტერპოლის მიერ ძებნილ პირთა სიაში იმყოფებოდა და მუქარით ცდილობდნენ 20 ათასი აშშ დოლარის გამოძალვას", – ნათქვამია განცხადებაში.

მართლსაწინააღმდეგოდ დაუფლებული თანხა ნივთმტკიცების სახითაა ამოღებული.

გამოძიება დიდი ოდენობით ქონების მიღების მიზნით ჯგუფურად ჩადენილ გამოძალვის ფაქტზე საქართველოს სსკ-ის 181-ე მუხლის მეორე ნაწილის „ა" და „გ" ქვეპუნქტებით მიმდინარეობს.

ჩადენილი დანაშაული ოთხიდან შვიდ წლამდე ვადით თავისუფლების აღკვეთას ითვალისწინებს.

თემები:
კრიმინალი საქართველოში (720)

მთავარი თემები