00:04 06 დეკემბერი 2019
პირდაპირი ეთერი
  • EUR3.2746
  • 100 RUB4.6197
  • USD2.9573
ორი მეთევზის ძებნა

ჯანდარის ტბაზე დაკარგული მეთევზეების ძებნა უწყვეტ რეჟიმში გრძელდება

photo : Emergency Management Service / FB
შემთხვევები
მოკლე ბმულის მიღება
შემთხვევები საქართველოში (1009)
7710

საქართველოს და აზერბაიჯანის სამაშველო სამსახურები ყველა შესაძლო რესურსის გამოყენებით აგრძელებენ დაკარგული ადამიანების ძებნას

თბილისი, 3 დეკემბერი - Sputnik. გარდაბნის რაიონში, ჯანდარის ტბაზე, რომელიც საქართველო-აზერბაიჯანის საზღვარზე მდებარეობს, უწყვეტ რეჟიმში გრძელდება ორი დაკარგული მამაკაცის ძებნის სამუშაოები, ნათქვამია საგანგებო სიტუაციების მართვის სამსახურის განცხადებაში.

უგზო-უკვლოდ დაკარგული მეთევზეების ძებნა ორშაბათს, 2 დეკემბერს დაიწყო. ქართული მედიის ინფორმაციით, თვითმხილველებმა დაინახეს, როგორ გავიდნენ მეთევზეები ნავით ტბაში. ქარის გაძლიერების შემდეგ მამაკაცები გაუჩინარდნენ და მას მერე ისინი არავის უნახავს.

დაკარგული მოქალაქეების საძიებო სამუშაოები წყალქვეშა მონიტორინგის სპეციალური ტექნიკის საშუალებით წარმოებს. აღნიშნული სამუშაოების სპეციფიკიდან გამომდინარე, მიმდინარეობს ფსკერის დეტალური შემოწმება და საეჭვო დეტალის აღმოჩენის შემთხვევაში, პროცესში მყვინთავები ერთვებიან. სამაშველო ოპერაციაში, ასევე, ჩართულია სამაშველო დრონი და შესაბამისი ტექნიკა.

ადგილზე იმყოფებიან საგანგებო სიტუაციების მართვის სამსახურის ხელმძღვანელი თემურ მღებრიშვილი, მისი მოადგილე ლევან ღირსიაშვილი.

დილიდან განაახლა სამუშაოები აზერბაიჯანის სამაშველო სამსახურმა, რომელიც დაკარგულებს საკუთარ ტერიტორიაზე ეძებს. სამაშველო ღონისძიებებში ჩართულია მაშველთა ჯგუფი და შესაბამისი ტექნიკა. სანაპირო ზოლს ამოწმებენ მესაზღვრეები.

„ორი ქვეყნის სამაშველო სამსახურები ყველა შესაძლო რესურსის გამოყენებით განაგრძობენ კოორდინირებულ მუშაობას საქართველოს დაკარგული მოქალაქეების საპოვნელად“, - ნათქვამია სამსახურის განცხადებაში.

 

 

თემები:
შემთხვევები საქართველოში (1009)

მთავარი თემები