თბილისი, 19 ნოემბერი — Sputnik. ამბროლაურის მუნიციპალიტეტში გაჩენილი ხანძრის ჩაქრობას 80-მდე მეხანძრე-მაშველი ცდილობს, აცნობეს „Sputnik–საქართველოს" შინაგან საქმეთა სამინისტროს საგანგებო სიტუაციების მართვის სამსახურში.
უწყების ცნობით, ამ ეტაპზე ხანძრის გავრცელების საფრთხე არ არის და სიტუაცია კონტროლს ექვემდებარება.
ცეცხლი ამბროლაურის მუნიციპალიტეტის სოფელ აბარის მიმდებარე ტყეში სამი დღის წინ გაჩნდა. ადგილობრივების ინფორმაციით, ცეცხლი ეკალ-ბარდებს და გამხმარ ხეებს უკიდია.
ტელეკომპანია Rustavi 2-ის ცნობით, ცეცხლი 30 ჰექტარზეა გავრცელებული. ხანძრის ჩაქრობას საგანგებო სიტუაციების მართვის სამსახურის თანამშრომლებთან ერთად ადგილობრივებიც ცდილობენ.
