19:16 06 დეკემბერი 2019
პირდაპირი ეთერი
  • EUR3.2796
  • 100 RUB4.6333
  • USD2.9573
სახანძრო მანქანა

კიდევ ერთი ხანძარი: მარტვილის რაიონის სოფელ სალხინოს ტყეში ცეცხლი გაჩნდა

SPUTNIK / LEVAN AVLABRELI
შემთხვევები
მოკლე ბმულის მიღება
შემთხვევები საქართველოში (1009)
7201

ხანძარი სოფელ სალხინოს ტყეში სამ ადგილზეა გაჩენილი, მაგრამ რთული რელიეფის გამო სპეციალური ტექნიკა ახლოს ვერ მიდის.

თბილისი, 19 ნოემბერი – Sputnik. მარტვილის რაიონის სოფელ სალხინოში ტყის მასივი იწვის, იუწყება საზოგადოებრივი მაუწყებლის პირველი არხი.

სოფლის რწმუნებული გოგი ბასილაია ტელეარხთან აცხადებს, რომ ხანძარი სამ ლოკაციაზეა, არის ძლიერი დაკვამლიანება.

„ადგილზე მუშაობენ სახანძრო-სამაშველო ბრიგადები, თუმცა ცეცხლი ისეთ ადგილზეა, ტექნიკა ვერ ახერხებს ახლოს მისვლას. სოფელში შეინიშნება ძლიერი დაკვამლიანება. სავარაუდოდ, ცეცხლი ტყის საფარს უკიდია”, – აცხადებს ბასილაია.

შსს-ს საგანგებო სიტუაციების მართვის სამსახურში ასევე აცხადებენ, რომ სამაშველო ბრიგადები ადგილზე უკვე მუშაობენ.

ხანძარია მესტიის მუნიციპალიტეტშიც, სოფელ ცხუმარის და ეცერის მახლობლად ტყეში ცეცხლი გაჩნდა. ხანძართან ბრძოლა უწყვეტ რეჟიმში გრძელდება. დღეიდან ტყის ხანძრის სალოკალიზაციო სამუშაოებში დამატებით 90-მდე მეხანძრე-მაშველი ჩაერთვება. აქამდე ადგილზე 45 მაშველი მუშაობდა.

თემები:
შემთხვევები საქართველოში (1009)

მთავარი თემები