უბედური შემთხვევა ბათუმში - ერთმა მუშამ ფეხი დაკარგა

© Sputnik / Alexander Imedashviliსასწრაფო სამედიცინო დახმარება
სასწრაფო სამედიცინო დახმარება - Sputnik საქართველო
გამოწერა
ბათუმში უბედური შემთხვევის შედეგად ერთ ადამიანს ფეხის ამპუტაცია დასჭირდა, მეორემ კი ფეხი მძიმედ დაიზიანა

თბილისი, 17 ნოემბერი — Sputnik. ბათუმში მიწისქვეშა სამუშაოების დროს ერთმა მუშამ ფეხი დაკარგა, მეორემ კი მძიმე დაზიანებები მიიღო, იუწყება საზოგადოებრივი მაუწყებლის პირველი არხი.

უბედური შემთხვევა აბუსერიძის ქუჩაზე  23 ნომერში  მოხდა. მუშებს მიწისქვეშა ინფრასტრუქტურული სამუშაოების შესრულებისას ფეხებზე  რკინის კონსტრუქცია დაეცა.

ტყიბულის შახტი - Sputnik საქართველო
საგანგაშო სტატისტიკა: სამუშაო ადგილებზე ნახევარ წელიწადში 25 ადამიანი დაიღუპა

ორივე დაშავებული საავადმყოფოშია გადაყვანილი.

საქართველოს გაერთიანებული პროფკავშირების მონაცემებით, 2018 წელს ქვეყანაში სამუშაო ადგილებზე დაიღუპა 39 ადამიანი, მძიმე დაზიანებები მიიღო 37-მა, ხოლო არასამთავრობო ორგანიზაცია „ადამიანის უფლებების სწავლებისა და მონიტორინგის ცენტრის" (EMC) მონიტორინგის შედეგებით, 2019 წლის პირველ ნახევარში სამუშაო ადგილებზე 25 ადამიანი დაიღუპა, ხოლო 71 დაშავდა. 

შრომის უსაფრთხოების სფეროში კანონმდებლობის სრულყოფა - საქართველოს მთავრობის ერთ-ერთი პრიორიტეტული მიმართულებაა. დაცვის სტანდარტის გაუმჯობესების მიზნით, 2019 წლის თებერვალში საქართველოს პარლამენტმა კანონს „შრომის უსაფრთხოების შესახებ“ უფრო მაღალი სტატუსი - ორგანული კანონის სტატუსი მიანიჭა.

ყველა ახალი ამბავი
0