17:42 12 დეკემბერი 2019
პირდაპირი ეთერი
  • EUR3.2028
  • 100 RUB4.5482
  • USD2.8896
ხელბორკილის დადება

აჭარის მთავრობის სახლთან გამართულ აქციაზე დემონსტრანტები დააკავეს

© photo: Sputnik / Mikhail Voskresensky
შემთხვევები
მოკლე ბმულის მიღება
შემთხვევები საქართველოში (1024)
60 0 0

აქციის მონაწილეებმა მთავრობის შენობის შესასვლელი გადაკეტეს და შიგნით არც ერთ თანამშრომელს არ უშვებდნენ.

თბილისი, 15 ნოემბერი — Sputnik. ბათუმში, აჭარის მთავრობის სახლთან გამართულ აქციაზე ოთხი დემონსტრანტი დააკავეს, იუწყება ტელეკომპანია Rustavi 2.

აქცია აჭარის მთავრობის გადადგომის მოთხოვნით ბათუმში დღეს დილიდან მიმდინარეობს. მონაწილეებმა მთავრობის შენობის შესასვლელი გადაკეტეს და შიგნით არც ერთ თანამშრომელს არ უშვებდნენ.

დაკავებულებს შორის არის „ნაციონალური მოძრაობის" წევრი რეზო ხარაზიც.

ამ დროისთვის მთავრობის სახლის შესასვლელს სამართალდამცველები აკონტროლებენ.

გავრცელებული ცნობით, აქციის მონაწილეები სამართალდამცველებმა ადმინისტრაციულ სამართალდარღვევათა კოდექსის 173-ე მუხლით დააკავეს, რაც სამართალდამცველის კანონიერი მოთხოვნისადმი დაუმორჩილებლობას გულისხმობს.

აჭარაში გამართული აქცია თბილისში დაწყებულ საპროტესტო ტალღას მოჰყვა, რომელიც, თავის მხრივ, პარლამენტში კონსტიტუციაში შესწორებების მიღების ჩავარდნის გამო დაიწყო. შესწორებები 2020 წლიდან პროპორციულ საარჩევნო სისტემაზე გადასვლას გულისხმობდა.

თემები:
შემთხვევები საქართველოში (1024)

მთავარი თემები