მოსკოვის გამზირზე მომხდარი ავტოავარია მსხვერპლით დასრულდა

© Sputnik / Levan Avlabreliმოძრაობა თბილისში
მოძრაობა თბილისში - Sputnik საქართველო
გამოწერა
ავტოავარიის შედეგად დაიღუპა ავტომობილის მგზავრი ახალგაზრდა მამაკაცი, ხოლო მძღოლი კლინიკაშია გადაყვანილი.

თბილისი, 8 ნოემბერი – Sputnik. ერთი ადამიანი დაიღუპა და კიდევ ერთი დაშავდა თბილისში მომხდარი ავტოსაგზაო შემთხვევის შედეგად, იუწყება საზოგადოებრივიც მაუწყებლის პირველი არხი.

ავტოსაგზაო შემთხვევა დაახლოებით ერთი საათის წინ მოსკოვის გამზირზე მოხდა. „მაზდას“ მარკის მსუბუქი ავტომობილი, რომელშიც ორი ადამიანი იმყოფებოდა, ხეს შეეჯახა.

ტელეკომპანიის ცნობით, შემთხვევის შედეგად დაღუპულია მგზავრი, ახალგაზრდა მამაკაცი, ხოლო მძღოლი კლინიკაშია გადაყვანილი. მისი ჯანმრთელობის მდგომარეობა მძიმეა.

მომხდარზე გამოძიება სისხლის სამართლის კოდექსის 276 მუხლის მე-6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას ეხება.

ყველა ახალი ამბავი
0