02:50 15 ნოემბერი 2019
პირდაპირი ეთერი
  • EUR3.2566
  • 100 RUB4.6227
  • USD2.9608
ციხე

ყოფილი სიდედრის მკვლელს ხანგრძლივი პატიმრობა მიესაჯა: რა მოხდა ათონელის ქუჩაზე

CC0 / Pixabay
შემთხვევები
მოკლე ბმულის მიღება
კრიმინალი საქართველოში (577)
7810

განქორწინებით განაწყენებული მამაკაცი ყოფილი მეუღლის სახლში ღამის საათებში შეიპარა და ოჯახის წევრები მძიმედ დაჭრა.

თბილისი, 1 ნოემბერი — Sputnik. თბილისის საქალაქო სასამართლომ ყოფილი მეუღლისა და მისი მშობლების მკვლელობასა და მკვლელობის მცდელობაში ბრალდებული პირი დამნაშავედ ცნო და 23 წლით თავისუფლების აღკვეთა მიუსაჯა, ნათქვამია საქართველოს პროკურატურის მიერ გავრცელებულ განცხადებაში

შემთხვევა 2017 წლის 14 ნოემბერს ათონელის ქუჩაზე მოხდა.

სასამართლოზე დამტკიცდა, რომ ბოროტმოქმედი ღამის საათებში შეიპარა ყოფილი მეუღლის სახლში და განქორწინებით განაწყენებულმა მძინარე ქალი დანით დაჭრა. ამის შემდეგ ოთახში დასახმარებლად შესულ მის მშობლებს დაესხა თავს და ოჯახის სხვა წევრების თვალწინ განსაკუთრებული სისასტიკით მიაყენა ჭრილობები.

ჭრილობების სიმძიმის გამო ყოფილი სიდედრი საავადმყოფოში გარდაიცვალა, ხოლო ყოფილი მეუღლისა და მისი მამის გადარჩენა მოხერხდა.

სამართალდამცველებმა დამნაშავე 2019 წლის 5 თებერვალს თბილისში დააკავეს. გავრცელებული ინფორმაციით, დაკავებული წარსულში თავისუფლების უკანონო აღკვეთისთვის, თაღლითობისთვის, ცემისა და ჯანმრთელობის დაზიანებისთვის იყო ნასამართლევი.

თემები:
კრიმინალი საქართველოში (577)

მთავარი თემები