თბილისი, 25 ოქტომბერი - Sputnik. თბილისის საქალაქო სასამართლოში მიმდინარე პროცესზე ადვოკატი გარდაიცვალა, იუწყება ტელეკომპანია Rustavi2.
გავრცელებული ინფორმაციით, იურისტი, „ადვოკატთა ასოციაციის“ წევრი ნოდარ ილურიძე, სასამართლო პროცესზე შეუძლოდ გახდა, ადგილზე მისულმა სასწრაფო-სამედიცინო დახმარების ბრიგადამ მისი გადარჩენა ვეღარ შეძლო.
გარდაცვალების მიზეზი, სავარაუდოდ, გულის შეტევა გახდა.
ამ წუთებში ადგილზე ექსპერტ-კრიმინალისტები მუშაობენ.
მომხდარ ფაქტთან დაკავშირებით გამოძიება საქართველოს სსკ-ის 115-ე, თვითმკვლელობამდე მიყვანის მუხლით დაიწყო.