22:48 13 ნოემბერი 2019
პირდაპირი ეთერი
  • EUR3.2645
  • 100 RUB4.6247
  • USD2.9618
სასწრაფო დახმარების ბრიგადა რუსთავში

რუსთავის სკოლაში მასწავლებელი კიბიდან დაგორდა - პედაგოგი მე-6 კლასელ გოგოს ადანაშაულებს

© Sputnik / STRINGER
შემთხვევები
მოკლე ბმულის მიღება
შემთხვევები საქართველოში (932)
17501

მასწავლებელს თავის ტვინის შერყევა და წელის არეში დაჟეჟილობა აღენიშნება

თბილისი, 28 სექტემბერი - Sputnik. რუსთავის მე-5 საჯარო სკოლის მუსიკის მასწავლებელი ნანა წიქარიშვილი მე-6 კლასელ მოსწავლეს ფიზიკურ ძალადობაში ადანაშაულებს, იუწყება პირველი არხი.

პედაგოგის განცხადებით, მოსწავლე მას ბოლო პერიოდში უთვალთვალებდა, პარასკევს კი მეხუთე გაკვეთილის წინ ხელი ჰკრა და მესამე სართულიდან, კიბიდან დააგორა.

მასწავლებელი რუსთავის ერთ-ერთ კლინიკაში პარასკევს მოათავსეს და ამ დრომდე მკურნალობის კურსს გადის.

აღნიშნულ ბრალდებას უარყოფს მოსწავლის დედა. მასწავლებელს ძალადობაში თავად ადანაშაულებს და ამბობს, რომ მასწავლებელმა მისი შვილი ჯერ კიდევ აპრილში ცემა. მშობლის მტკიცებით, გუშინდელი ფაქტის შემდეგ გოგონა ფსიქოლოგიური სტრესის ქვეშ იმყოფება.

როგორც კლინიკის ნეიროქირურგი მიხეილ გურასპიშვილი აცხადებს, მასწავლებელს თავის ტვინის შერყევა და წელის არეში დაჟეჟილობა აღენიშნება. მისი მდგომარეობა სტაბილურია, თუმცა მკურნალობა სჭირდება.

მასწავლებელთან გამოკითხვის მიზნით გამომძიებელი იმყოფებოდა.

თემები:
შემთხვევები საქართველოში (932)

მთავარი თემები