თბილისი, 14 სექტემბერი — Sputnik. სამართალდამცველებმა ქრთამის მიცემის ფაქტზე გარემოს ზედამხედველობითი დეპარტამენტის სამეგრელო-ზემო სვანეთის რეგიონალური სამმართველოს ოფიცერი ვაჟა ბ. დააკავეს, ნათქვამია სახელმწიფო უსაფრთხოების სამსახურის მიერ გავრცელებულ განცხადებაში.
როგორც გამოძიებით დადგინდა, ვაჟა ბ.-მ 2019 წლის აგვისტოში, გარემოსდაცვითი ზედამხედველობის დეპარტამენტის დასავლეთის რეგიონალური სამმართველოს ოფიცერს იმის სანაცვლოდ, რომ მას საკონტროლო გამშვებ პუნქტზე მორიგეობისას არ შეემოწმებინა უკანონოდ მოპოვებული 48 კუბური მეტრის ხის მასალით დატვირთული სატვირთო ავტომანქანები, ქრთამის სახით შესთავაზა 1800 ლარი, ხოლო წინასწარ 900 ლარი გადასცა.
სუს-მა კანონსაწინააღმდეგო გარიგების ვიდეოჩანაწერი გაავრცელა.
უწყების ინფორმაციით, გამოძიება ქრთამის მიცემის ფაქტზე, საქართველოს სისხლის სამართლის კოდექსის 339-ე მუხლის მე-2 ნაწილით მიმდინარეობს. დანაშაულო 4-დან 7 წლამდე ვადით თავისუფლების აღკვეთას ითვალისწინებს.
სუს-ის ანგარიში: იღებენ თუ არა საქართველოში ქრთამებს >>
გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
