12:00 14 დეკემბერი 2019
პირდაპირი ეთერი
  • EUR3.2024
  • 100 RUB4.6032
  • USD2.8647
დაკავება

რუსთავში ქურდობის ექვს ფაქტზე არასრულწლოვანი დააკავეს

© Sputnik / Vladimir Umikashvili.
შემთხვევები
მოკლე ბმულის მიღება
კრიმინალი საქართველოში (636)
95 0 0

ბრალდებულმა რუსთავში მსუბუქი ავტომობილი მოიპარა, ასევე გაქურდა მაღაზია, საწარმოები და ავტომობილები

თბილისი, 31 აგვისტო — Sputnik. სამართალდამცველებმა რუსთავში ჩადენილ ქურდობის ექვს ფაქტზე არასრულწლოვანი - 2002 წელს დაბადებული, პირობითი მსჯავრის ქვეშ მყოფი ბ.ა.  დააკავეს, ნათქვამია შსს-ს მიერ გავრცელებულ განცხადებაში.

როგორც გამოძიებით დადგინდა, ბრალდებულმა მიმდინარე წლის აგვისტოში, რუსთავში მოქალაქის კუთვნილი მსუბუქი ავტომობილი მოიპარა.

სამართალდამცველებმა აღნიშნული ავტომობილი იმავე დღეს კახეთში იპოვეს. ნაქურდალი პოლიციამ ნივთმტკიცების სახით ამოიღო.

ასევე დადგინდა, რომ ბ.ა.-მ რუსთავში ქურდობის კიდევ ხუთი ფაქტი ჩაიდინა.

არასრულწლოვანმა პროდუქტების მაღაზია, საწარმოები და მსუბუქი ავტომობილი გაქურდა. მოპარული ნივთების ნაწილი სამართალდამცველებმა ნივთმტკიცებად ამოიღეს.

გამოძიება ქურდობის ფაქტებზე, საქართველოს სსკ-ს 177-ე მუხლის მე-2 და მე-3 ნაწილებით მიმდინარეობს, რაც დანაშაული 4-დან 7 წლამდე ვადით თავისუფლების აღკვეთას ითვალისწინებს.

თემები:
კრიმინალი საქართველოში (636)

მთავარი თემები