21:30 17 სექტემბერი 2019
პირდაპირი ეთერი
  • EUR3.2699
  • 100 RUB4.6206
  • USD2.9608
112-ის რეგიონული სამსახური

ტრაგედია ქობულეთის გზაზე: ორი ბავშვის მდგომარეობა მძიმეა

© Sputnik / Alexander Imedashvili
შემთხვევები
მოკლე ბმულის მიღება
შემთხვევები საქართველოში (730)
120 0 0

ერთ-ერთი დაშავებული ბავშვი კრიტიკულ მდგომარეობაშია

თბილისი, 14 ივლისი - Sputnik. ბათუმი-ქობულეთის შემოვლით გზაზე  მომხდარი ავტოსაგზაო შემთხვევის დროს დაშავებული ორი არასრულწლოვანის მდგომარეობა მძიმეა, იუწყება აჭარის ტელევიზია.

ბათუმი-ქობულეთის შემოვლით გზაზე ავტოსაგზაო შემთხვევა გუშინ მოხდა, ერთმანეთს სამი „მინივენის“ ტიპის ავტომობილი შეეჯახა. ავარიის შედეგად 11 ადამიანი დაშავდა, ორი კი გარდაიცვალა. დაშავებულებს შორის არიან მცირეწლოვანი და-ძმა, რომელთა ასაკი ხუთი და ექვსი წელია. გარდაცვლილები მათი მშობლები არიან.

მცირეწლოვანი გოგონა თბილისში, იაშვილის კლინიკაში სასწრაფო დახმარების ბრიგადას გადაჰყავს, მისი ძმა კი ბათუმის დედათა და ბავშვთა სამედიცინო ცენტრში რეანიმაციულ განყოფილებაში კრიტიკულად მძიმე მდგომარეობაში იმყოფება.

აჭარის ჯანდაცვის მინისტრის ზაალ მიქელაძის განცხადებით, მეორე მცირეწლოვნის თბილისში ტრანსპორტირება შეუძლებელია მისი ჯანმრთელობის მდგომარეობის გამო.

„ავარიის დროს სულ ორი მოზარდი დაშავდა. ერთ-ერთი თბილისში გადავიყვანეთ, ხოლო მეორე ბათუმის დედათა და ბავშვთა სამედიცინო ცენტრში რეანიმაციულ განყოფილებაში იმყოფება. მისი ჯანმრთელობის მდგომარეობა კრიტიკულად მძიმეა და ამიტომ შეუძლებელი იყო თბილისში გადაყვანა. მას თავის არეში მძიმე ტრავმები აქვს მიღებული“, - განაცხადა მიქელაძემ.

აჭარის ჯანდაცვის მინისტრის განცხადებით, ამ დროისათვის ქობულეთის საავადმყოფოებში ავარიის შედეგად დაშავებული ცხრა ადამიანი გადის მკურნალობას, მათ სიცოცხლეს საფრთხე არ ემუქრება.

დაშავებულთა უმეტესობა პოლონელი და არაბი ტურისტები არიან. დაშავებულთა შორის ორი ქართველია, ისინი მძღოლები არიან.

მომხდართან დაკავშირებით სისხლის სამართლის საქმე სსკ-ის 276-ე მუხლით აღიძრა, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

თემები:
შემთხვევები საქართველოში (730)

მთავარი თემები