თბილისი, 14 ივლისი - Sputnik. რუსთავში, მე-20 მიკრორაინში სამი წლის ბავშვი სახლის პირველი სართულის ფანჯრიდან გადავარდა, იუწყება სააგენტო „ინფორუსთავი“.
შემთხვევა გუშინ მოხდა. სამი წლის ბიჭი სასწრაფო- სამედიცინო დახმარების ბრიგადამ რუსთავის ცენტრალურ საავადმყოფოში გადაიყვანა. ექიმების განცხადებით, ბავშვს მხოლოდ ზედაპირული დაზიანება აღენიშნებოდა სახის არეში.
„გასინჯვით ამ ეტაპზე ბავშვი კონტაქტურია, რეფლექსები შენახულია, თუმცა აღენიშნება ზედაპირული დაზიანება სახის მიდამოში. მიმდინარეობს კვლევები. სანამ კვლევები არ დასრულდება, დაზუსტებულ პასუხს მისი ჯანმრთელობის მდგომარეობის შესახებ ვერ გეტყვით”, - განაცხადა ექიმმა.
ამ დროისთვის ბავშვის მდგომარეობა სტაბილურია.
