01:51 16 ნოემბერი 2019
პირდაპირი ეთერი
  • EUR3.2779
  • 100 RUB4.6531
  • USD2.9723
საპატრულო პოლიცია

დაკავებულია მამაკაცი, რომელმაც ვარკეთილში სახლის სადარბაზოში ხელყუმბარა შეაგდო

© Sputnik / Alexander Imedashvili
შემთხვევები
მოკლე ბმულის მიღება
კრიმინალი საქართველოში (578)
48010

ჩადენილი დანაშაულისთვის მამაკაცს უვადო პატიმრობა ემუქრება

თბილისი, 10 ივლისი — Sputnik. პოლიციამ დააკავა მამაკაცი, რომელმაც ვარკეთილის „სამხედრო დასახლებაში" საცხოვრებელი სახლის სადარბაზოში ხელყუმბარა შეაგდო, ნათქვამია შსს-ს ვებგვერდზე გავრცელებულ განცხადებაში.

ინციდენტი ოთხშაბათს დილით მოხდა. აფეთქების შედეგად სამი ადამიანი დაშავდა.

შსს-ს მონაცემებით, ბრალდებულს დაშავებულებთან ჩხუბი მოუვიდა, შემდეგ კი მან სადარბაზოში, ზედა სართულიდან „რგდ"-ს სისტემის ხელყუმბარა ჩამოაგდო.

გამოძიება სსკ-ის 19-109-ე მუხლის მე-3 ნაწილის „ა“ ქვეპუნქტით მიმდინარეობს, რაც დამამძიმებელ გარემოებებში ჩადენილ განზრახ მკვლელობის მცდელობას გულისხმობს. აღნიშნული დანაშაული 16-დან 20 წლამდე თავისუფლების აღკვეთას ან უვადო პატიმრობას ითვალისწინებს.

რაც შეეხება დაშავებულებს, მათ სამედიცინო დახმარება დროულად აღმოუჩინეს. ამჟამად ისინი მკურნალობას სტაციონარში აგრძელებენ.

 

 

თემები:
კრიმინალი საქართველოში (578)

მთავარი თემები