თბილისი, 3 ივლისი — Sputnik. ქუთაისში ორსართულიანი საცხოვრებელი სახლის სხვენში გაჩენილი ხანძარი ლოკალიზებულია, იუწყება ტელეკომპანია Imedi.
ხანძარი წმინდა ნინოს ქუჩაზე დაახლოებით 12:30 საათზე გაჩნდა.
გავრცელებული ინფორმაციით, მიმდებარე ტერიტორიიდან, მათ შორის „საქართველოს ბანკის“ ოფისიდან, მოქალაქეების ევაკუაცია განხორციელდა. ტერიტორია ყვითელი ლენტით არის შემოსაზღვრული.
როგორც „Sputnik–საქართველოს" საგანგებო სიტუაციების მართვის სამსახურში განუცხადეს, შემთხვევის ადგილზე მობილიზებული იყო 25 მეძანძრე-მაშველი. ხანძრის შედეგად არავინ დაშავებულა.
ხანძრის გამომწვევი მიზეზი ამ დროისთვის უცნობია.
