თბილისი, 27 ივნისი – Sputnik. თელავის მუნიციპალიტეტის სოფელ ყარაჯალაში 40 წლამდე მამაკაცი მოკლეს, იუწყება საზოგადოებრივი მაუწყებლის პირველი არხი.
გავრცელებული ინფორმაციით, მამაკაცს ცეცლსასროლი იარაღიდნ სასიკვდილო ჭრილობები გულ–მკერდის არეში თანასოფლელმა მიაყენა. ის საავადმყოფოში მიყვანამდე გარდაიცვალა.
როგორც ადგილობრივები აცხადებენ, მოკლული მამაკაცი საქართველოში არ ცხოვრობდა და რამდენიმე დღის წინ, სოფელ ყარაჯალაში დედის სანახავად ჩავიდა. ისინი მომხდარ მკვლელობას წარსულში დაწყებულ კონფლიქტს უკავშირებენ.
შინაგან საქმეთა სამინისტროს ინფორმაციით, ფაქტზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
