11:05 19 ივლისი 2019
პირდაპირი ეთერი
  • EUR3.2191
  • 100 RUB4.5608
  • USD2.8714
ავარია ქედაში

საშიში რეალობა: სამ თვეში საქართველოში ავარიის შედეგად 116 ადამიანი დაიღუპა

© Sputnik / Seyran Baroyan
შემთხვევები
მოკლე ბმულის მიღება
შემთხვევები საქართველოში (468)
128 0 0

ავარიების ძირითადი მიზეზია მანქანის არაფხიზელ მდგომარეობაში მართვა

თბილისი, 19 ივნისი - Sputnik. 2019 წლის სამ თვეში საქართველოს გზებზე 1,3 ათასზე მეტი ავტოსაგზაო შემთხვევა მოხდა, რომელთა შედეგადაც  116 ადამიანი დაიღუპა,  ნათქვამია შინაგან საქმეთა სამინისტროს ვებგვერდზე გამოქვეყნებულ მონაცემებში.

ამავე მონაცემების თანახმად, ავარიის შედეგად სამ თვეში დაშავდა 1779 ადამიანი.

დაღუპულებს შორის ერთი შვიდ წლამდე ასაკის ბავშვია, ხოლო დაშავებულთა შორის 26 შვიდ წლამდე ასაკის ბავშვი.

ავტოსაგზაო შემთხვევების ყველაზე მეტი რაოდენობა - 642 შემთხვევა - თბილისში ფიქსირდება. საქართველოს დედაქალაქში სამ თვეში 26 ადამიანი დაიღუპა და 806 დაშავდა.

ავტოსაგზაო შემთხვევების ოდენობით მეორე ადგილზე იმერეთი, რაჭა-ლეჩხუმია და ქვემო სვანეთია, სადაც 30 ადამიანი გარდაიცვალა, ხოლო 200 დაშავდა. შემდეგ მოდის  კახეთი, სადაც ამ პერიოდში დაიღუპა 13 და დაშავდა 97 ადამიანი.

ასევე დიდია ავტოსაგზაო შემთხვევების მაჩვენებელი აჭარაში, სადაც 126 ავტოსაგზაო შემთხვევას ექვსი ადამიანის სიცოცხლე ემსხვერპლა, ხოლო 161 დაშავდა.

იანვრიდან მარტამდე ქვეით მოსიარულესთან შეჯახების 352 ფაქტი დაფიქსირდა, რომელთა შედეგად 26 ადამიანი დაიღუპა, ხოლო 405 დაშავდა.

დაღუპულთაგან ყველაზე მეტი ადამიანი, მსუბუქი სატრანსპორტო საშუალებების ავარიის შედეგად გარდაიცვალა.

ავარია გორთან: დაიღუპა ერთი ადამიანი >>

სამინისტრო ავარიების ხუთ ძირითად მიზეზს ასახელებს - ეს არის მანქანის ალკოჰოლური ან ნარკოტიკული თრობის მდგომარეობაში მართვა, სიჩქარის გადაჭარბება, მოძრაობის ზოლში გადასვლა ან გასწრების წესების დარღვევა.

მიმდინარე წლის იანვრიდან, მარტის ჩათვლით ქვეყნის მასშტაბით სულ 9 671 საგზაო-სატრანსპორტო შემთხვევა დაფიქსირდა. აქედან 1302-ზე გამოძიება სსკ-ის 276 მუხლით დაიწყო, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც გაუფრთხილებლობით ნაკლებად მძიმე ან მძიმე დაზიანება გამოიწვია.

ავტოსაგზაო შემთხვევები საქართველოში
© Sputnik / Konstantin Ivanov.
ავტოსაგზაო შემთხვევები საქართველოში
თემები:
შემთხვევები საქართველოში (468)

მთავარი თემები