საქართველოში ზედიზედ ორი მიწისძვრა მოხდა

© photo: Sputnik / Stringerსეისმოგრაფი
სეისმოგრაფი - Sputnik საქართველო
გამოწერა
ნგრევისა და დაშავებულების შესახებ ინფორმაცია არ ვრცელდება.

თბილისი, 12 ივნისი — Sputnik. საქართველოში ერთი წუთის ინტერვალით ორი მიწისძვრა მოხდა, ნათქვამია დედამიწის შემსწავლელ მეცნიერებათა ინსტიტუტისა და სეისმური მონიტორინგის ეროვნული ცენტრის ვებ-გვერდზე გავრცელებულ განცხადებაში.

პირველი მიწისძვრა თბილისის დროით 12:44 საათზე დაფიქსირდა. მიწისძვრის ეპიცენტრი ქალაქ ახალციხის ჩრდილო-აღმოსავლეთით 17 კილომეტრში, სოფელ აწყურთან იყო. მიწისძვრის სიმძლავრემ 3.5 მაგნიტუდა შეადგინა.

მეორე მიწისძვრა კი თბილისის დროით 12:45 საათზე მოხდა. მიწისძვრის სიმძლავრემ 3.3 მაგნიტუდა შეადგინა და მისი ეპიცენტრი კვლავ სოფელ აწყურთან ახლოს, ქალაქ ბორჯომიდან დასავლეთით 18 კილომეტრში მდებარეობდა.

ნგრევისა და დაშავებულების შესახებ ინფორმაცია არ ვრცელდება.

ყველა ახალი ამბავი
0