თბილისი, 29 მაისი — Sputnik. სიღნაღის მუნიციპალიტეტის სოფელ ქვემო მაჩხაანის საბავშვო ბაღში თაბაშირ-მუყაოს კონსტრუქცია ჩამოინგრა, იუწყება საზოგადოებრივი მაუწყებლის პირველი არხი.
ჭერის ჩამონგრევის შედეგად არავინ დაშავებულა. შემთხვევა გუშინ, ღამით მოხდა და შენობაში არავინ იმყოფებოდა.
ამ დროისთვის საბავშვო ბაღში სასწავლო–აღმზრდელობითი პროცესი შეჩერებულია.
ქვემო მაჩხაანის ბაგა-ბაღის შენობას რეაბილიტაცია სამი წლის წინ ჩაუტარდა. სარემონტო სამუშაოებისთვის ადგილობრივი ბიუჯეტიდან 300 ათასი ლარი დაიხარჯა.
