თბილისი, 29 მაისი — Sputnik. ესპანეთში რუსთავიდან წასული ოჯახის დასვენება ტრაგედიით დასრულდა – ზღვაში მცირეწლოვანი გოგონა დაიხრჩო, იუწყება ტელეკომპანია Rustavi2.
ინციდენტი მაშინ მოხდა, როდესაც მამა შვილებთან ერთად ზღვაში ცურავდა. როდესაც დიდი ტალღა წამოვიდა, მამამ წყლიდან ორი ბავშვის გამოყვანა შეძლო, მესამე კი, ხუთი წლის გოგონა, ზღვის ტალღებმა გაიტაცა.
მაშველებმა გოგონა მალევე იპოვეს, თუმცა მისი გადარჩენა ვერ მოხერხდა.
ამ დროისთვის დაღუპულის ოჯახთან ფსიქოლოგები მუშაობენ. საქართველოს საკონსულო მათთან კავშირში იმყოფება.