14:56 16 ოქტომბერი 2019
პირდაპირი ეთერი
  • EUR3.2725
  • 100 RUB4.6078
  • USD2.9701
დაკავება

თელავის უნივერსიტეტის ეზოში 24 წლის მამაკაცი დაჭრეს

CC0 / Pixabay / 3839153
შემთხვევები
მოკლე ბმულის მიღება
კრიმინალი საქართველოში (514)
16301

ბრალის დამტკიცების შემთხვევაში, დამნაშავეს ცხრიდან 13 წლამდე ვადით თავისუფლების აღკვეთა ემუქრება

თბილისი, 5 მაისი - Sputnik. სამართალდამცველებმა ჯანმრთელობის განზრახ მძიმე დაზიანების ბრალდებით ყვარელში 22 წლის მამაკაცი დააკავეს, აღნიშნულია შინაგან საქმეთა სამინისტროს მიერ გავრცელებულ განცხადებაში.

უწყების ცნობით, ბრალდებულმა თელავში, უნივერსიტეტის ეზოში, ურთიერთშელაპარაკების ნიადაგზე, ცეცხლსასროლი იარაღიდან დაჭრა 24 წლის მამაკაცი და შემთხვევის ადგილიდან მიიმალა. 

სამართალდამცველებმა ბრალდებული ცხელ კვალზე, მოსამართლის განჩინების საფუძველზე, ყვარლის რაიონის სოფელ ენისელის მიმდებარე ტერიტორიაზე დააკავეს. მისი პირადი ჩხრეკისას ნივთმტკიცების სახით დანაშაულის ჩადენის იარაღი - მაკაროვის სისტემის პისტოლეტი და 14 ვაზნაა ამოღებული.

გამოძიება ჯანმრთელობის განზრახ ნაკლებად მძიმე დაზიანების, ცეცხლსასროლი იარაღის მართლსაწინააღმდეგო შეძენა-შენახვა-ტარების და ცეცხლსასროლი იარაღის არაერთგზის მართლსაწინააღმდეგო დაუფლების ფაქტებზე მიმდინარეობს, საქართველოს სსკ-ის 118-ე, 236-ე და 237-ე მუხლებით. დანაშაული 9-დან 13 წლამდე ვადით თავისუფლების აღკვეთას ითვალისწინებს.

 

თემები:
კრიმინალი საქართველოში (514)

მთავარი თემები