18:27 02 ივლისი 2020
პირდაპირი ეთერი
  • EUR3.4247
  • 100 RUB4.3017
  • USD3.0567
შემთხვევები
მოკლე ბმულის მიღება
კრიმინალი საქართველოში (975)
107 0 0

დაკავებულებმა ჩადენილი დანაშაული აღიარეს.

თბილისი, 19 თებერვალი — Sputnik. სამართალდამცველებმა ქობულეთში ჯგუფურად ჩადენილი ქურდობის ფაქტებზე სამი პირი დააკავეს, ნათქვამია შინაგან საქმეთა სამინისტროს მიერ გავრცელებულ განცხადებაში.

პოლიციელებმა 23, 26 და 27 წლის მამაკაცები იმ დროს შეაჩერეს, როდესაც ისინი სანიაღვრე არხის ცხაურებით დატვირთული მიკროავტობუსით სოფელ ბობოყვათის ტერიტორიაზე გადაადგილდებოდნენ. როგორც გამოძიებით დადგინდა, აღნიშნული ცხაურები ბრალდებულებმა ქობულეთის სოფელ აჭყვაში მოიპარეს.

პოლიციამ ნაქურდალი ნივთები ნივთმტკიცების სახით ამოიღო.

დაკავებულებმა ჩადენილი დანაშაული აღიარეს.

ამასთან ერთად მათ მიმდინარე წლის 12 თებერვალს სოფელ ჩაისუბნიდან სანიაღვრე არხის ცხაურების მოპარვის ფაქტიც აღიარეს.

გამოძიება ჯგუფურად ჩადენილი ქურდობის ფაქტებზე საქართველოს სსკ-ის 177-ე მუხლის მე-2 ნაწილის და მე-3 ნაწილის „ა" ქვეპუნქტებით მიმდინარეობს, რაც 4-დან 7 წლამდე ვადით თავისუფლების აღკვეთას ითვალისწინებს.

 

თემები:
კრიმინალი საქართველოში (975)

მთავარი თემები