01:49 15 ოქტომბერი 2019
პირდაპირი ეთერი
  • EUR3.2778
  • 100 RUB4.6307
  • USD2.9701
თოვლი

ვითარება გზებზე: გუდაური–კობის მონაკვეთზე მოძრაობა აკრძალულია

© FB / Roads Department of Georgia
შემთხვევები
მოკლე ბმულის მიღება
უამინდობა საქართველოში (207)
73 0 0

გარემოს ეროვნული სააგენტოს სპეციალისტები იმ ადგილებს დაათვალიერებენ, სადაც ზვავსაშიშროებაა და მათი რეკომენდაციის საფუძველზე შესაბამისი სამუშაოები დაიწყება.

თბილისი, 17 იანვარი — Sputnik. ზვავსაშიშროების გამო გუდაური–კობის მონაკვეთზე ტრანსპორტის მოძრაობა აკრძალულია, იუწყება საზოგადოებრივი მაუწყებლის პირველი არხი.

გავრცელებული ინფორმაციით, მცხეთა–სტეფანწმინდა–ლარსის საავტომობილო გზის გუდაური–კობის მონაკვეთზე ინტენსიური თოვის გამო ზვავსაშიშროებაა, რის გამოც აკრძალულია ყველა სახის ავტოტრანსპორტის მოძრაობა.

„ამჟამად ზვავსაშიშროებისა და დიდთოვლობის გამო მოძრაობა შეზღუდულია კობი–გუდაურის მონაკვეთზე. გარემოს ეროვნული სააგენტოს სპეციალისტები შესაბამის ადგილებს დაათვალიერებენ. მათი რეკომენდაციის საფუძველზე დაიწყება სამუშაოები და მოძრაობა აღდგება. სხვა მიმართულებით ამჟამად შეზღუდვები არ ფიქსირდება", – განაცხადა საავტომობილო გზების დეპარტამენტის თავმჯდომარის მოადგილემ გიორგი წერეთელმა.

საპატრულო პოლიციის ეკიპაჟები მთელი ქვეყნის მასშტაბით გზებზე ტრანსპორტის გადაადგილებას უწყვეტ რეჟიმში არეგულირებენ.

შინაგან საქმეთა სამინისტროს დანაყოფების – საპატრულო და კრიმინალური პოლიციის, ასევე სამაშველო სამსახურის თანამშრომლები საჭიროების შემთხვევაში მგზავრებს ეხმარებიან და უსაფრთხო ადგილამდე მათ ტრანსპორტირებას უზრუნველყოფენ.

 

თემები:
უამინდობა საქართველოში (207)

მთავარი თემები