თბილისი, 6 აგვისტო — Sputnik. საქართველოს საგანგებო სიტუაციების მართვის სამსახურის თანამშრომლები ყაზბეგის მთებში საუდის არაბეთის მოქალაქეს დაეხმარნენ, ნათქვამია უწყების Facebook-გვერდზე განთავსებულ განცხადებაში.
გავრცელებული ინფორმაციით, ტურისტს გველეთის ჩანჩქერთან ახლოს, ბილიკზე ფეხი დაუცურდა და დაგორდა, შედეგად თავისა და ზედა კიდურების დაზიანება მიიღო.
მაშველებმა დაშავებულს პირველადი დახმარება აღმოუჩინეს და სასწრაფო-სამედიცინო დახმარების ცენტრში გადაიყვანეს.