17:27 16 ივლისი 2019
პირდაპირი ეთერი
  • EUR3.2210
  • 100 RUB4.5596
  • USD2.8555
სირიის ჯარები იორდანიასთან საზღვარზე

სირიაში თარხან ბათირაშვილის ძმა დაიღუპა

© photo: Sputnik / Mikhail Alaeddin
შემთხვევები
მოკლე ბმულის მიღება
ვითარება სირიაში (21)
144 0 0

ამჟამად სირიასა და ერაყში, სხვადასხვა ტერორისტულ ორგანიზაციაში საქართველოდან წასული 30 მოქალაქე იბრძვის

თბილისი, 25 ივლისი — Sputnik. სირიაში დაიღუპა თამაზ ბათირაშვილი — „ისლამური სახელმწიფოს" ერთ-ერთი მეთაურის, საქართველოს მკვიდრი თარხან ბათირაშვილის, იგივე აბუ-უმარ აშ-შიშანის ძმა, იუწყება ტელეკომპანია Rustavi2.

თამაზ ბათირაშვილი 38 წლის იყო. ის პანკისის ხეობის სოფელ ბირკიანის მკვიდრი იყო.

ტელეკომპანიის მონაცემებით, ბათირაშვილი სირიაში 2013 წელს წავიდა. როგორც პანკისელები აცხადებენ, ის საბრძოლო შეტაკებების დროს დაიღუპა.

გასულ კვირაში გავრცელდა ინფორმაცია, რომ თურქეთის პოლიციამ თარხან ბათირაშვილის ქვრივი სედა დუდურაევა დააკავა. დუდურაევა და კიდევ ოთხი ადამიანი 4 ივლისს დააკავეს.

რაც შეეხება აშ-შიშანს, ის 2016 წლის ივლისში ერაყის ქალაქ შერგატთან ბრძოლებში დაიღუპა.

საქართველოს უსაფრთხოების სამსახურის მონაცემებით, სირიასა და ერაყში, სხვადასხვა ტერორისტული დაჯგუფების რიგებში ამჟამად საქართველოს 30 მოქალაქე იბრძვის. სპეცსამსახურებს გასულ წელს საქართველოში მათი დაბრუნების არც ერთი ფაქტი არ გამოუვლენია.

თემები:
ვითარება სირიაში (21)

მთავარი თემები