თბილისი, 18 იანვარი — Sputnik. თბილისში, გმირთა მოედანზე, ერთ-ერთ რესტორანში მომხდარი სისხლიანი გარჩევა სამი ადამიანის დაჭრით დასრულდა, რომელთაგან ერთი ჯერ კიდევ რესპუბლიკურ საავადმყოფოში იმყოფება, იუწყება ტელეკომპანია Rustavi2.
„20 წლის მამაკაცი მოყვანილი იქნა 112-ის ბრიგადის მიერ 0:33 საათზე, რომელსაც აღენიშნებოდა ქვემო კიდურზე მრავლობითი ჭრილობები აქტიური სისხლდენით. ჩაუტარდა ოპერაციული მკურნალობა, სისხლდენის ლიკვიდაცია. ზოგადი მდგომარეობა ამ დროისთვის დამაკმაყოფილებელია", — განუცხადა ტელეარხს ექიმმა კონსტანტინე მუმლაძემ.
სასწრაფო დახმარების ბრიგადებმა დაშავებულები სხვადასხვა საავადმყოფოში გადაიყვანეს.
რა გახდება ინციდენტის მიზეზი, უცნობია.
ტელეკომპანია Imedi-ს ინფორმაციით, საქმეზე ერთი ადამიანი დააკავეს.
სისხლის სამართლის საქმე აღძრულია სსკ-ის მუხლით, რაც მსუბუქი დაზიანებების განზრახ მიყენებას გულისხმობს. დანაშაული ისჯება ჯარიმით ან საზოგადოებრივი სამუშაოებით ექვს თვემდე ვადით, ან თავისუფლების ერთ წლამდე აღკვეთით.
