თბილისი, 12 იანვარი — Sputnik. პოლიციამ ნარკოდანაშაულისთვის ერთი პირი დააკავა, რომელსაც ჩხრეკისას კოკაინი და მეტადონი აღმოაჩნდა, ნათქვამია შსს-ს ვებ-გვერდზე განთავსებულ განცხადებაში.
ბრალდებული, 1970 წელს დაბადებული მოქალაქე თბილისში დააკავეს. პირადი ჩხრეკისას მას აღმოაჩნდა შვიდ შეკვრად დაფასოებული კოკაინი და 14 შეკვრად დაფასოებული მეტადონი.
დამნაშავემ ბრალი აღიარა.
გამოძიება მიმდინარეობს სსკ-ის მუხლით „განსაკუთრებით დიდი ოდენობით ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღება", რაც 20 წლამდე ან უვადო პატიმრობას ითვალისწინებს.
