17:39 19 ოქტომბერი 2019
პირდაპირი ეთერი
  • EUR3.3088
  • 100 RUB4.6461
  • USD2.9718
მარიკა ლორთქიფანიძე

გარდაიცვალა აკადემიკოსი მარიამ ლორთქიფანიძე

© National Library of Georgia
შემთხვევები
მოკლე ბმულის მიღება
77720

მარიამ ლორთქიფანიძე იყო ღირსების ორდენის კავალერი, საქართველოს მეცნიერებათა დამსახურებული მოღვაწე, საქართველოს სახელმწიფო პრემიის, ივანე ჯავახიშვილის სახელობის პრემიის ლაურეატი.

თბილისი, 8 იანვარი — Sputnik. ცნობილი ქართველი მეცნიერი, ისტორიკოსი, აკადემიკოსი მარიამ ლორთქიფანიძე 95 წლის ასაკში გარდაიცვალა. „Sputnik-საქართველოს“ ინფორმაცია თბილისის სახელმწიფო უნივერსიტეტის პრეს-სამსახურმა დაუდასტურა.

გავრცელებული ინფორმაციით, აკადემიკოსი ბოლო ერთი თვის განმავლობაში ავადმყოფობდა.

მარიკა ლორთქიფანიძე
მარიკა ლორთქიფანიძე

მარიამ ლორთქიფანიძე 1922 წლის 28 აგვისტოს ბათუმში დაიბადა. 1943 წელს დაამთავრა თბილისის სახელმწიფო უნივერსიტეტის ისტორიის ფაკულტეტი. 1947 წლიდან მუშაობდა ივანე ჯავახიშვილის სახელობის ისტორიისა და ეთნოგრაფიის ინსტიტუტში მეცნიერ-თანამშრომლად. 1948 წლიდან – თბილისის სახელმწიფო უნივერსიტეტში. ამავე წელს დაიცვა საკანდიდატო დისერტაცია თემაზე „თბილისის საამირო“. 1972 წლიდან იყო თსუ-ის საქართველოს ისტორიის კათედრის გამგე, 1963 წლიდან — ისტორიის მეცნიერებათა დოქტორი (სადისერტაციო თემა: „ფეოდალური საქართველოს პოლიტიკური გაერთიანება“), 1993 წლიდან — საქართველოს მეცნიერებათა აკადემიის აკადემიკოსი.

მარიკა ლორთქიფანიძე ტაძარში
მარიკა ლორთქიფანიძე ტაძარში

გამოქვეყნებული აქვს 100-ზე მეტი სამეცნიერო ნაშრომი, მათ შორის 10 წიგნი. რუსულად თარგმნა ქართული საისტორიო მწერლობის ძეგლები: „მატიანე ქართლისა“, სუმბატ დავითის ძის „ცხოვრება და უწყება ბაგრატიონთა“.

მისი თაოსნობით 1996 წელს თსუ-ის საქართველოს ისტორიის კათედრასთან ჩამოყალიბდა საქართველოს სოფლების ისტორიის შემსწავლელი ლაბორატორია.

მარიამ ლორთქიფანიძეს 1988 წელს მიენიჭა თბილისის საპატიო მოქალაქის წოდება.

იყო ღირსების ორდენის კავალერი, საქართველოს მეცნიერებათა დამსახურებული მოღვაწე, საქართველოს სახელმწიფო პრემიის, ივანე ჯავახიშვილის სახელობის პრემიის ლაურეატი.

მთავარი თემები