თბილისი, 6 ოქტომბერი — Sputnik. ბათუმში მე-14 საბავშვო ბაღის ეზოში თხევადი გაზის ბალონი აალდა, იუწყება „აჭარის ტელევიზია".
წინასწარი ინფორმაციით, ბალონი მაშინ აალდა, როდესაც მას ანაცვლებდნენ. შემთხვევის შედეგად არავინ დაშავებულა.
„საბავშვო ბაღთან თხევადი გაზის ბალონის ჩანაცვლება მიმდინარეობდა, რა დროსაც იგი აალდა. შემთხვევის შედეგად არავინ დაშავებულა. ჩვენმა თანამშრომლებმა დროულად იმოქმედეს და ხანძარი ჩააქრეს", — განაცხადა ბათუმის ბაღების გაერთიანების დირექტორმა ნატალია ზაქარეიშვილმა.
საბავშვო ბაღში ბუნებრივი აირი შეყვანილი არ არის, სკოლამდელი დაწესებულება თხევადი აირით მარაგდება.