09:25 19 ივნისი 2021
პირდაპირი ეთერი
  • EUR3.7754
  • 100 RUB4.3879
  • USD3.1681
საქართველოში
მოკლე ბმულის მიღება
70 0 0

აგროდაზღვევის პროგრამა საქართველოში 2014 წლიდან მუშაობს და ერთადერთი ინსტრუმენტია, რომელიც ბუნებრივი სტიქიით მიყენებულ ზარალს ანაზღაურებს.

თბილისი, 4 მაისი – Sputnik. 2021 წელს აგროდაზღვევის სახელმწიფო პროგრამა გრძელდება, იუწყება სოფლის განვითარების სააგენტო.

უწყების ცნობით, აგროდაზღვევა ერთადერთი ინსტრუმენტია, რომელიც ანაზღაურებს სეტყვით, ქარიშხლით, წყალდიდობითა და საშემოდგომო ყინვით მიყენებულ ზარალს.

პროქტში საქართველოში მოქმედი რვა სადაზღვევო კომპანიაა ჩართული.

პროგრამა ითვალისწინებს სადაზღვევო პოლისის ღირებულების თანადაფინანსებას: ყველა სასოფლო-სამეურნეო კულტურაზე 70%-ს, ხოლო ვაზზე — 50%-ს.

პროგრამის ფარგლებში ბენეფიციარს შეუძლია დააზღვიოს 5 ჰა-მდე მიწის ნაკვეთი, ხოლო მარცვლეული კულტურის შემთხვევაში — 30 ჰა.

უწყების ცნობით, სახელმწიფო პროგრამის ფარგლებში ყოველწლიურად დაზღვეული მიწის საშუალო ფართობი შეადგენს 15.800 ჰექტარს და ეს რიცხვი მზარდია.

აგროდაზღვევის პროგრამა 2014 წლის 1 სექტემბრიდან ამოქმედდა და მიზნად ისახავს აგროსექტორში სადაზღვევო ბაზრის განვითარებასა და სასოფლო-სამეურნეო საქმიანობის ხელშეწყობას. 2020 წელს აგროდაზღვევის პროგრამაში ჩართული მიწის ნაკვეთების ფართობი, გასულ წელთან შედარებით, 31%-ით გაიზარდა და 18 ათასი ჰექტარი შეადგინა. გასული წლის დეკემბრის მონაცემებით, აგროდაზღვევის პროგრამით სულ 17.532 სადაზღვევო პოლისი გაიცა, სააგენტოს მხრიდან სუბსიდირების მოცულობამ კი 8 მლნ ლარს გადააჭარბა.

მთავარი თემები