თბილისი, 20 აპრილი – Sputnik. საქართველოს პრემიერ-მინისტრი ირაკლი ღარიბაშვილი კორონავირუსისგან გამოჯანმრთელდა, ნათქვამია მთავრობის ადმინისტრაციის მიერ გავრცელებულ განცხადებაში.
ირაკლი ღარიბაშვილს კორონავირუსი 6 აპრილს, გეგმური ტესტირების შედეგად დაუდასტურდა.
ადმინისტრაციის ცნობით, მთავრობის მეთაური თავს კარგად გრძნობს და დღეიდან მუშაობას ჩვეულ რეჟიმში განაგრძობს.
ბოლო 24 საათში კორონავირუსისგან გამოჯანმრთელდა 663 პირი, ხოლო ჯამში გამოჯანმრთელებულთა რაოდენობა 282.237-მდე გაიზარდა.
