00:27 15 ნოემბერი 2019
პირდაპირი ეთერი
  • EUR3.2566
  • 100 RUB4.6227
  • USD2.9608
გიორგი გახარია

გახარია ეროვნულ ბანკს აკრიტიკებს: რა ღირს სებ-ის ახალი ოფისი

© Sputnik / Alexander Imedashvili
საქართველოში
მოკლე ბმულის მიღება
საქართველოს პრემიერ–მინისტრი (64)
164 0 0

აგვისტოში ცნობილი გახდა, რომ საქართველოს ეროვნული ბანკი ახალი სათავო ოფისის მშენებლობაზე, სავარაუდოდ, 50 მილიონი ლარის დახარჯვას აპირებს, რასაც თავად სებ-ი ინსტიტუციის გაზრდილი ფუნქციებით ხსნის.

თბილისი, 10 ოქტომბერი — Sputnik. ეროვნული ბანკი ახალი ოფისის ასაშენებლად 50 მილიონ ლარს არ უნდა ხარჯავდეს, განაცხადა საქართველოს პრემიერ-მინისტრმა გიორგი გახარიამ ჟურნალისტებთან საუბრისას. 

მთავრობის მეთაურის თქმით, ბანკისთვის შესაბამისი ოფისის აშენება გაცილებით ნაკლები დანახარჯებითაც არის შესაძლებელი. 

„ეროვნული ბანკი არის დამოუკიდებელი ორგანო, ბიუჯეტიდან არც ერთი „კაპიკი“ არ მიდის. მიუხედავად ამისა, ამხელა რესურსი მაკონტროლებელი ორგანოს შენობის ასაშენებლად არ უნდა დაიხარჯოს. ვფიქრობ, უფრო ეფექტურად არის შესაძლებელი ისეთი შენობის აშენება ამ ქალაქში, რომელიც ცოტა იაფი დაჯდება", — განაცხადა გიორგი გახარიამ. 

აგვისტოში ცნობილი გახდა, რომ ეროვნული ბანკი ახალი სათავო ოფისის მშენებლობაზე, სავარაუდოდ, 50 მილიონი ლარის დახარჯვას აპირებს. თავად სებ-ში ახალი ოფისის მშენებლობას ინსტიტუციის გაზრდილი ფუნქციებით ხსნიან და აცხადებენ, რომ ახალი ოფისის მშენებლობას დაახლოებით 3-4 წელი დასჭირდება.

ამ დროისთვის საქართველოს ეროვნული ბანკი სანაპიროს ქუჩაზე, იუსტიციის სახლის შენობაშია განთავსებული.

 

თემები:
საქართველოს პრემიერ–მინისტრი (64)

მთავარი თემები