თბილისი, 29 მაისი — Sputnik. პეპელა ნარშავას ფრთაკუთხა, რომელიც წელს ძალზე მომრავლდა საქართველოში, არ არის მავნებელი მწერი და მოსავალს ზიანს არ აყენებს, ნათქვამია საქართველოს სურსათის ეროვნული სააგენტოს განცხადებაში.
საქართველოს მოსახლეობა და, განსაკუთრებით, ფერმერები შეშფოთებული არიან პეპლის ამ სახეობის გავრცელებით და შიშობენ, რომ ის სასოფლო-სამეურნეო კულტურებს ავნებს.
სააგენტოში აღნიშნავენ, რომ ნარშავას ფრთაკუთხა გადამფრენი მწერია, რომელიც თითქმის ყველა კონტინენტზე გვხვდება. ის სასარგებლო მწერად მიიჩნევა, რადგან დიდი რაოდენობით ანადგურებს სარეველას.
ამ პეპლების ბუნებრივი მტერია ობობა, ხოჭო, ჭიანჭველა, მღრღნელები და სხვ. ნარშავას ფრთაკუთხა ვერ იტანს დაბალ ტემპერატურას და ადვილად იღუპება. ის სულ ორ თვეს ცოცხლობს.
ეს დღის პეპელა თითქმის ყველგან გვხვდება: მდელოზე, ველზე, უდაბნოში, ბაღში. განსაკურებით უყვარს დიდი, გაშლილი, მზიანი სივრცეები.
