07:15 16 ივლისი 2019
პირდაპირი ეთერი
  • EUR3.2210
  • 100 RUB4.5596
  • USD2.8555
მთაწმინდის ხედი, ქართული დროშა

ქართული დროშა ქვეყნის ყველა შენობაზე აფრიალდება

© Sputnik / Levan Avlabreli
საქართველოში
მოკლე ბმულის მიღება
157 0 0

საქართველოს სახელმწიფო დროშა სიძველის მიხედვით მსოფლიოში მეორეა დანიის დროშის შემდეგ

თბილისი, 11 იანვარი — Sputnik. ჰერალდიკის სახელმწიფო საბჭო მოქალაქეებს მოუწოდებს, 14 იანვარს ფანჯრებიდან, აივნებიდან, ღობეებიდან ან საკუთარი სახლებისა და ავტომობილების სახურავებიდან ქართული დროშა გადმოფინონ.

საქართველოში სახელმწიფო დროშის დღე 14 იანვარს აღინიშნება, რადგან სწორედ 2004 წლის ამ დღეს საქართველოს პარლამენტმა დაამტკიცა კანონი „საქართველოს სახელმწიფო დროშის შესახებ", რომელიც. გერბთან და ჰიმნთან ერთად, საქართველოს ოფიციალური სიმბოლოა.

„სახელმწიფოებრივი დამოუკიდებლობის დაბრუნებასთან ერთად საქართველომ დაიბრუნა დროშა, რომელიც საუკუნეების განმავლობაში იყო საქართველოს სიმბოლო... სახელმწიფო დროშის დღე უმთავრესად ეროვნული დღესასწაულია. სახელმწიფო დროშა თითოეული მოქალაქის, თითოეული ოჯახის საკუთრება და ღირსების სიმბოლოა", - ნათქვამია ჰერალდიკის სახელმწიფო საბჭოს განცხადებაში.

ხუთჯვრიანი ქართული დროშა მე-13 საუკუნით თარიღდება. სიძველის მხრივ ის მსოფლიოში, დანიის დროშის შემდეგ, მეორე ადგილს იკავებს.

საქართველოს ხელისუფლებამ 2004 წელს საქართველოს პირველი დემოკრატიული მთავრობის პერიოდის (1918-1921) დროშა შეცვალა. ეს დროშა იყო ასევე საქართველოს ოფიციალური სიმბოლო 1990 წლიდან.

 

მთავარი თემები